Avoye zakaat dans ene lot l'endroit

Answer

En principe li makrouh pou avoye zakaat de ene l’endroit à ene l’autre l’endroit. Quand nou dire ene l’endroit à ene l’autre l’endroit, ça pas veut dire de ene pays à ene l’autre pays seulement. Ça li aussi applique de ene l’endroit à ene l’autre l’endroit de ene seul pays. Par exemple d’après ça principe-là li pou makrouh pou avoye zakaat de Port-Louis à Flacq et vice versa. Mais si jamais ene dimoune li ena so famille proche ki mérité et ki reste dans ene l’autre l’endroit, alors dans ça cas-là ça principe-là pas pou appliqué. C'est-à-dire li pas pou makrouh pou avoye so zakaat dans ça l’autre l’endroit cote li ena so famille proche. Coumsa même li pas makrouh pou avoye dans ene l’autre l’endroit cote zotte pli dans le besoin ou bien cote ça zakaat-là capave servi dans ene façon pli efficace et pli profitable. Similairement li pas pou makrouh si li envoye li avant ki so l’année de zakaat complété.