Embrasse le doigt quand tanne nom de Nabi (s.a.w)

Question ID: 
350

Question

Aslmkm Mo fine lire sa dans ene livre. Eski li ene pratique ki fine prouver et eski nou capave pratique li? < li fine repete pareil et li fine embrasse so le doigt (l'index) et li fine passe lors so deux les yeux, Rasoulullah (Sallallahu Alaihi Wa Sallam) fine dire celui ki pour faire pareil comment mo camarade (Khalil), alors mo intercessions (Shafa'at) approuvable pourr li. [Al-Maqaasidul Hasanah No.1021] Base lors l'amour, Sayyiduna Sinaan fine deja boire du sang Rasoulullah (Sallallahu Alaihi Wa Sallam), alors ici qui faire besoin discuter qui embrasse pouce gagne droit ou bien non?>> Jazakallahu Khaira

Answer

Wa alaikumus salaam warahamatullahi wabarakaatuh. La pratique pou embrasse le doigt quand tanne Rassouloullah (Sallallaahu alaihi wasallam) so nom dans azaan, jamais ti dans la pratique de banne Sahaba-e-Kiraam et banne Tabeines. Ena banne livres ki fine rapporte hadice lors ça sujet-là mais ça banne hadice-là zotte pas authentique. Zotte banne hadice ki bien bien faible. Zotte tellement faible ki pas capave servi zotte comme ene preuve et ene base pou soutenir ça pratique-là. Allaamah Jalaaluddeen As-Souyouti (R) fine qualifié ça banne hadices-là de banne hadices fabriqués. Donc embrasse le doigt quand tanne Rassouloullah (Sallallaahu alaihi wasallam) so nom li pas sounnat ni moustahab. Dans so livre ‘Abrul Maqaal’ Maulana Ahmad Raza Khan Barelvi fine autorise la pratique embrasse le doigt quand tanne nom moubaarak de Rassouloullah (Sallallaahu alaihi wasallam) dans azaan avec 4 conditions : (1) Premièrement faudré pas considère ça comme ene sounnat. (2) Deuxièmement faudré pas croire ki ena kit hadice authentique ki soutenir ça pratique-là. (3)Troisièmement faudré pas critique banne ki pas pé faire li.(4) Quatrièmement servi li comme ene traitement pou lizié (pas comme ene principe dans Deen). La vérité li pas plis ki ça mais malheureusement la pratique « embrasse le doigt » et « pas embrasse le doigt» fine divise la communauté. Et pourtant tout d’accord ki pena narien authentique ki soutenir ça. Mais nou fine donne ça pratique-là l’importance à tel point ki ça fine vine symbole de certaine groupe. Li couma ene tempête dans ene verre de l’eau. L’amitié sincère pou Allah Ta’ala li trouve dans suive Nabi (Sallallaahu alaihi wasallam) Si vraiment ou content ou la vie dans aakhirat, ou pou bizin préparé pou capave sacrifié quelque part dans ou dounia.