Mette Surma jour Aashoura

Answer

D'après tous banne livres, banne hadith ki prouve vertu concernant surma li bien bien faible. Zotte considère li ene innovation ki ressemblé à la pratique de banne ki ti assassine Imaam Husein (r.a). Ena sa possibilité la aussi ki certaine dimoune ignorant fine faire sa pour contredire la pratique de Maatam et Shia. Banne Ulama contemporain zotte pas accepté sa pratique la. A nous connaissance sa masla la fine mentionné dans Hidaayah et Fathul Qadeer. Allaamah Qazi Khan aussi fine mentionne sa dans so livre Fataawa. Malgré ki li fine qualifié sa de mustahab, mais li paraite bien difficile pour être considéré. Li vrai ki Allamah Qazi Khan so l'opinion ena grand estime dans regard banne Ulama. Quand ena divergence dans certaine masla zot donne priorité ceki Allaamah Qazi Khan fine dire. Mais en ce qui concerne surmah personne pas finne donne li sa crédit la. Allaama Shami (a.r) fine mentionne sa masla la dans deux places et dans tous les deux places, après le pour et le compte, li paraite ki li pas d'accord avec sa.