Nikaah avec ene madame converti ki penkore separé avek so premier missié

Question ID: 
625
Moh*** asks:

Question

Assalamualaikoum, Ene missié et ene madame chretiene marié civile et dans l'eglise depuis pluisieurs année. Apres quelque l'année, missié la fine quitte madame la sans donne li divorce. l'année derniere madame la fine embrasse l'islam et sa l'année la li pe marier avec ene Musulman. Eski li gagne droit marier avec sa musulman la sans ki li fine divorcer avec so mari chretien ou soi li bizin divorcer avec so mari chretien avant meme si li fine fini embrasse islam?

Answer

Wa alaikumus salaam. Quand ene madame chrétienne li vine musulmane alors pou bizin présente l'Islam a so missié. Si li refusé alors so nikaah cassé. Madame la pou gagne droit faire nikaah après avoir observe ene iddat de 3 haiz (periode). Sa li appliqué dans ene l'état Islamique. Mais dans l'état pareil ki nous pe vive ici, pas nécessaire présente Islam a so missié. So nikaah cassé toute suite et li capave faire l'autre nikaah apres avoir observe ene iddat de 3 haiz. Ena aussi ene deuxième l'opinion dans ki ena plis précaution, c'est à dire li bizin observe ene iddat de 6 haiz.