Éclaircissement lor Majlis-e-zikr

Question ID: 
711
yus*** asks:

Question

Assalaamou'alaikoum Mufti Sahab. Concernant reponse ki fine donner a propos Zikr en jamaat (question 682). Ena ene page lors facebook ki apelle Minhaaj Us Sunnah, lors sa page la fine ecrire 'Tricherie ou manque de connaisance dans bann Muftis Tableegh Jamaat' parceki dans reponse la fine dire 'Ena pour sa kitsoz la et ena contre sa. Ena ki empêche sa tention li vine ene bid'ah et ena ki accepté faire li zisse pour enseigne dimoune la, mais en principe bizin faire li tousel'. Alors li fine apelle sa ene tricherie et fine dire ki ena plusieurs hadith cote Rasoulullah SAW coze dans faveur Zikr en Jamaat et li fine presente ene parmi banne hadith ki trouve dans Musnad Ahmad "Allah pour dire jour Qiyaamah: Bann qui finn reuni zordi pour conner qui sann-la bann Ahl-ul-karam (les gens de la noblesse). Banne Sahabah demandé: O Messager d'Allah! Qui sann-la bann Ahl-ul-karam. Rasoulullah SAW dire: Bann qui frequente bann Majlis-e-zikr (Zikr en Jamaat) dans Masjid". Capave gagne éclairecissement lors sa sujet la. Jazaakallah khair

Answer

Wa alaikumus salaam. Normalement quand ene dimoune so le cœur fine aveuglé avec noireté de bid'ah alors li kapave koze nerporte saki vine dans so l'esprit. Perna aukene kitsoz de tricherie dans réponse ki nous fine donné. Quant a manque de connaissance nou pena narien pou dire la dans parceki vraiment nous pas considère nous grand savant ou grand connaisseur. Dans nous réponse ki nous fine donné, nous fine faire mention de plusieurs tendance concernant sa sujet la. Personne pas kapave dire ki saki nous fine dire li pas vrai. Zordi jour quand nous dire majlis-e-zikr nous ena ene perception de ene personne ki dirige ene l'assemblé de zikr, Par exemple li dire " Laa ilaaha Illallah " alors zotte tous répète " Laa ilaaha Illallah " en chorus. Eski dans hadice cote majlis-e-zikr fine mentionné li signifié sa façon faire zikr la? Pour nous li pas signifié sa. Et c'est sa même l'opinion du célèbre Sahabi Hazrat Abdullah bin Mas'ood (Radiyallahu anhu). Bizin prend boucou précaution avant dire ene kitsoz parceki nous pe cassiette derrière ene grand Sahabi. Tous saki dimoune capave dire lor nous pou applique d'abord lor Sahabi avant gagne nous.