Ene missié continié reste avec so ex épouse après avoir ki missié la converti a l'Islam.

Question ID: 
712

Question

Assalaam, Ena ene missié telegu ki envi embrasse islam et apres sa li pou fer nikah avec ene madame Musulmane. Mais li ena so madame telegu et 3 grand z'enfants. Li pe dire ki li pena aucaine contacte avec so madame mais a cause so ban z'enfants zot reste dans meme la caz sans ena contacte intime. Li pe dir ki apres ki li embrasse Islam et apres ki li pou fer nikah avec sa madame musulmane la aussi, li pou continuer reste dans meme la caz avec so madame telegu (sans ena contacte avec li) a cause so ban z'enfants juska ki zot marier. Li pou aller vini cot lot madame Musulmane la. Eski li permettre pou sa missié la continuer reste dan mem la caz avec so madame telegu meme ki li pas pou ena contacte intime avec madame la? Ene missié fine dire zot li gagne droit rester parceki Aassia ti reste avec Pharaon apres avoir li ti embrasse islam. Please comment.

Answer

Wa alaikumus salaam. Sa question la so réponse li pas capave ene réponse générale ki applique pou tous dimoune. Bizin analyse cas par cas et suggère ene solution pour chaque cas. Pour cela li souhaitable ki la personne li vine joine nous en personne. Quant a le cas de Hazrat Aasiah ki ti pe reste avec Fir'aun c'est ene kitsoz ki ti en vigueur dans Shariat de Moussa (Alaihis salaam) et sa fine continié dans commencement de l'islaam aussi. Mais après sa, la loi fine vini ki ene madame li pas pou capave resté dans aukene façon avec ene kaafir. Donc le cas de Hazrat Aasiah pas pou capave servi li pou le cas ki ou fine mentionné dans ou question.