Un monde à l’envers

AUJOURD'HUI dans ene l'époque nous apé vivre

cote là li pas facile pour vivre.

Malgré sa ena tout qualité dimoune apé coze Dîne

parce qui peut être nous fine comprend valeur Dîne.

Ena apé coze li avec connaissance,

mais ena aussi qui apé coze li par nafsanniyyat ou par l'ignorance.

Un-deux l'exemple nous pour montrer,

Comment Dîne apé trafiquer…

Quand ene dimoune alle marié civil

li pas trouvé qui li pé faire la vie vine difficil

car li apé badine avec so Dîne

en donnant code Napoléon préférence lor  la loi de so Dîne.

Mais quand vine question lor la partage

la li pas faire l'étalage.

Imaam et Maulaanaa li alle geté

pour l'héritage qui li pour gagné bizin plus qui so soeur été.

Maintenant si so tifi  arriver divorcé

vers qui simin li pour gagne accé?

La loi Allah Ta'aala li pas pour accepté

parce que la dans pena seki li souhaité.

D'après la loi de so Dîne

mentionné qui pour so tifi qui dans Dîne

après Talaaq et I'ddah, lor so mari li na pena aucun droit.

Et c'est sa même so droit.

Pour li sauve so l'intérêt li rode secours.

Vers code Napoléon li alle cherche secours.

Soi-disant pour so tifi vine "sociale"

en gagnant plus de sécurité "sociale."

Voila couma sa Dounya, lors nafsanniyyat, apé roulé.

En l'envers li apé roulé

Quand arrive Ramzan et 20 Rak'aats Tarawih

eski nous dire non ou nous dire oui?

20 Rak'aats Taraawîh, tous les 4 Imams d’accord lor là.

Nous qui nous ena pour dire lors la!

Fausse prétexte nous tiré pour sa,

qui Raçouloullah‎ (Sallallaahou A'laihi Wasallam) pas fine faire sa.

Mais tout sa la c'est nafsanniyat sa

car pour faire 20 Rak'aats bizin ena fielle pour sa

Ler question la lune vini

ban preuves, vraie ou fausse, nous faire vini.

Qui 300 Ou'lamaa zot consensus dire:

Et vraiment sa li bien dir.

"Qui visibilité ene pays

bizin appliqué lor l'autre pays"*

Comme preuve qui zot amené?

L’opinion de seulement 3 Imaams, pas 4 nous amené.

Quand 20 Rak'aats Taraawîh dimoune faire.

Nous décourage zot pour faire.

Quand lor la tous les 4 Imaams d'accord.

Mais seulement nous, nous pas oulé tombe d'accord.

Sa qui appel l'incohérence,

li vine par nafsanniyyat ou par l'ignorance.

Ban frères et soeurs ene conseil pour ou.

Et sa li pour aide ou.

Avec sa ou lavi pour vine façil.

Car Dîne vraiment li pas dificil.

Allah Ta'aala et So Raoul (Sallallaahou A'laihi Wasallam)

montré nous pour suivre ouçoul.

Et empêche nous pour suivre nafsanniyyat et l'ignorance

et ban dimoune qui pena connaissance.

*Note: Ici nous pas interfer avec la question si pas li appliqué ou non.

[EXTRAIT DE AL HAADÎ Vol.3 No.3]