Qui ou point de vue lors faire zikrullah en groupe et a haute voix?

Answer

Wa alaikumus salaam. Dans nous banne réponse ki nous fine donné concernant zikr, nous fine cause seulement lor zikr avec ene jamaat ki dirigé par ene personne. Sa façon faire zikr-la li pas mentionné dans hadith. C'est akoze sa meme ki Hazrat Abdullah Bin Mas'oud (Radhiyallahu anhu) fine désapprouve li. Probablement li fine ena ene crainte ki plitard dimoune pou prend sa comme ene pratique et ene sunnate établi. Quant a banne mashaaikh ki pratique sa alors zotte faire li zisse comme ene traitement spirituelle ki ena plitot ene aspect pédagogique ki zotte gagne droit adopté selon zotte analyse. Jamais zotte faire li avec l'intention ki li sunnate. Faire zikr fort ou bien doucement tous les deux permette, mais en principe faire li doucement li pli bon. a moins si ene personne faire li fort pou ene raison spécifique alors sa aussi ena so justification. Coumca meme si ene groupe pe assizé chakene pe faire so zikr pou li, fort ou doucement, alors li permette.