SYSTEME HALAL COUMA FINE COMMENCER:

(Language Creol)

Consomme ceki halal li très important par rapport à nous Ibaadat et doua. Bizin prend boucou précaution avant nou mette ene kikchose dans nou l’estomac. Zordi zour nou ena ene qualité produits lor marché ki demane être vérifié. Coumsa même banne la chair et surtout poulet c’est ene kikchose ki pe consommé boucou même à Maurice.

Akoze sa le JAMIAT UL ULAMA DE MAURICE fine juge li nécessaire et important pour conseille banne musulman afin ki zotte reste loin de ceki pas halal afin ki sa pas gatte zotte ibaadat et faire zotte doua rejeté.

Depi bien longtemps même ti ena ene nécessité pareille mais nou ti préfère pas rente dans ene travail ki ti pe déjà faire par certaine organisation. Mais quand nou fine commence gagne banne questions lor différent produits, nou fine rente en contacte avec banne ki ti pe faire ca travail la pour gagne banne détail et banne critères ki zotte prend en considération avant certifié. Malheureusement nou pas fine gagne aukene réponse. Finalement nou fine décide pour commence travail-la nou même.

Au départ, sa travail-la ti démarré sous le nom de HALAL RESEACH COMMITTEE mais sa fine commence crée confusion et donne l’impression ki li ene organisation séparé avec JAMIAT UL ULAMA. Akoze sa le JUM fine dissoude le HALAL RESEACH COMMITTEE. Actuellement le JUM pe faire sa travail la sous le nom de JAMIAT UL ULAMA même.

Par le President de JUM

Moufti Ruffick Meerun