L'anarchie et so resultat nefaste

Si nous donne le public la liberté mette en pratique l'opinion de tout un chacun, sa pou amene le public vers l'anarchie. C'est à dire le public en general pou ena tendance suive et atrappe l'opinion ki dans so faveur et dans so l'avantage et dans so l'interet. Ceki pou arrivé c'est ki li pou écoute la musique soit disant douce en basant lor l'opinion de certain ki autorise sa. Coumsa meme li pou contracté marriage temporaire lor la base ki sa li permette chez quelques uns et surtout quand li pou ena la possibilité trouve quelque chose dans Quran ki visiblement capave approuve so tendance. Li pou aussi ena la possibilité pratique ene serie de betises sous pretexte ki sa li permette d'après certains. Resultat nous conné ki pou été. Chacaine pou ena so propre façon de vie. C'est a ki pou declarer ki li pé suive deen. Finalement c'est banne jouisseurs ki pou reigner partout avec ene deen difformé comme couverture. Banne vrai deendaar pou etre consideré couma banne personne depassées et l'esprit courte. Tandis ki banne égarés pou etre consideré comme banne grand connaisseurs et banne grand savants de Deen. C'est exactement à ce stade ki le Ma'rouf (le bien) pou vine Mounkar (le mal) et le Mounkar pou vine Ma'rouf. Normalement li pou ene l'epoque très difficile et catastrophique grâce à libertinage et tolérance dans la pratique de Deen. Acoze sa même banne grand 'Ou'lamaa fine trouve la necessité pou conseille le pu­blic en general, suive ene sel li­gne de conduite et ene sel l'école de pensé afin pou preserve l'Oummah de l'anarchie.

[Extrait de Al Jamiat Vol.1 No.1]