Dialogue ene joke sa hein ! Pas garde dans le coeur

A - Assalamou-alaikoum bhai

B - Wa-alaikoumoussalaam bhai

A - Cote to pé allé coumsa bonheur bonheur?

B - Mo pressé là. Mo ti bizin fini rentré sa l'heure-là.

A - Cote sa sa?

B - Mo pé apprane un peu masla avec ene 'Aalim'.

A - Be mo tanne dire perna Aalim dans Maurice?

B - Ena Aalim. Ki sanla dire toi perna Aalim? Cote mo pé allé-là li pas ene Aalim même sa?

A - Oui ena Aalim mais vrai Aalim ki perna.

B - To conné chacaine ena so paire dans le monde. Banne bon dimoune longtemps fine gagne banne bon et vrai Aalim. Et jordi ene fausseur couma toi, to mérite gagne Aalim couma to même. Ene joke sa hein! Pas garde dans le coeur.

A - Eh cause sérieux. Pas moi ki dire sa. Ena dimoune dans Deen même ki pé dire sa.

B - Si ene dimoune maltraite so maman papa, eski to pou dire ki li ene dimoune dans Deen?

A - Bé normalement non.

B - Couma to pou appelle li?

A - Disons nou pou appelle li ene mauvais garçon.

B - Si nou appelle li ene Nimak Haraam, eski li pou de trop?

A - Dans ene certaine sens to pou ena raison, mais préférable pas dire li sa. Mais li coumsa.

B - Ene dimoune ki gagne Deen ek Imaan avec ene Aalim et li critique sa Aalim-là, couma to pou appelle li?

A - Li claire. Sanla aussi li pareil couma to dire avant.

B - Mo conné to impé hésité pou dire. Mais nou bizin conné ki maman papa fine mette nou lors la terre. Coumsa même banne Aalim fine montré nou Deen ek Imaan. Faudré pas nou critique ene Aalim. Ene Qour'aan ki fine mal imprimé, nou pas gagne droit dénigré li. Coumsa même nou pas bizin dénigré ene Aalim.

A - Oui, ene l'autre tanne mo fine gagné ki banne Aalim na perna C.P.E.

B - Si mo dire toi ki ene docteur pas conne bouille du thé, eski to pou appelle sa ene défaut?

A - Non. Li pas ene défaut parceki li pas supposé conne sa. Pourvu li conne so domaine bien.

B - Si to alle dans la pharmacie, to rode pomme d'amour, z'oignons, pomme de terre, eski to pou gagne sa là-bas?

A - Non. Jamais. Parceki pas so place sa.

B - Mo dimanne toi eski la pharmacie-là ki en tort à coze li perna li ou soit toi ki ene bon M.B.C.?

A - Li normal. Si n'importe ki sanla pou rode légumes dans la pharmacie, si dimoune pas dire li fou au moins zotte pou rire li.

B - Ene Aalim-e-Deen li là pou enseigne Deen. So sujet c'est Deen. Alhamdoulillah, de génération en génération, banne z'enfants musulmans et banne grand aussi pé apprane lire Qour'aan, faire wazou, ghoussal, faire namaz et banne masla concernant les zotte ibaadaat. Si zotte pé faire sa quantité-là, Alhamdoulillah zotte fine assume zotte responsabilité. Dimoune ki vine rode C.P.E cote ene Aalim li couma sa M.B.C. là ki alle donne docteur pou coude so soulier. Bon mo pressé. Laisse mo allé. Assalamou-alaikoum.

A - Wa-alaikoumoussalaam.

[Extrait de Al Jamiat Vol.1 No.1]