Allah fine crée la terre dans six jours! Ki faire tout sa le temps là

C'est ene question ki capave posé dans l'esprit de certains ki quand Allah Ta'ala ena tout pouvoir et tou capacité ki li capave crée n'importe ki kitchose dans moins ki ene fraction seconde et au contraire Allah Ta'ala pas bizin le temps aussi pour faire n'importe quoi, alors kifer Allah Ta'ala fine crée les ciels et la terre dans six jours?

Pourtant Allah Ta'ala fine dire: "Nou l'ordre li executé dans ene seul instant comma ene clin d'oeil." (S 54 (Al Qamar) V50)

Li fine aussi dire: "Quand li prend decision lors ene kitchose, li dire sa kitchose vine en existence et sa kitchose la (tout de suite) vine en existence." (S 19 Maryam V35)

Pour repone sa question là, le grand tabe'i renommé et moufassir (commentateur de Qour'aan) Sa'id bin Joubair (rahmatoul-laahi 'alayh) fine dire:

"Sans doute Allah ena capacité ki tout capave vine en existence en ene fraction de seconde mais ena la sagesse quand li fine crée les ciels et la terre en six jours. La sagesse c'est ki insaan apprane et développe sa dans li ki tout banne travail ki li faire bizin faire li graduellement et bien; non pas vite vite et sans ene bon résultat.

Pareil comma Rasouloullah ‎(Sallallaahou A'laihi Wasallam)‎ fine dire dans ene hadith: "Faire travail pausement et sérieusement vine de la part d'Allah Ta'ala et faire vite vite vine de la part de Shaitaan." (Baïhaqi dans Shou'boul Imaan)."

Veut dire ki dans chaque travail ene insaan bizin réfléchi et li guette les pours et les contres et li pas pressé pou faire sa travail là. Sinon le résultat pas pou bon et li même pou paye les conséquences et li pou regretté. Et si li pou faire sa travail là pausement sans pressé, pou ena barakat et facilité.

[Extrait de Al Jamiat Vol.1 No.2]