Lettre à un ami (tabligh jamaate)

Waalaikoumoussalaam Wa rahmatoulaahi wa barakaatouh

To fine dimane moi concernant sa jamaat ki zotte appelle tabligh jamaate. Saki to fine tendé saki dimoune fine dire toi, li pas correcte concernant sa jamaate-là. Al-hamdoulillah sa jamaate-là pé faire boucou bon travail couma to même to reconnaite ki zotte sincère. Si to pas croire, bé rentré, guetté et goutté, lerla to même pou dire moi couma sa bon. InshaAllah to pou gagne le goût et la volonté et le désir pou vive dans l’obeissance Allah Ta'ala et d'après le Moubaarak principe de so Nabi‎(Sallallaahou A'laihi Wasallam)‎. To fine dire moi missié x et missié y éna tel ou tel défaut dans li, pourtant li marche dans jamaate. Mais pas coumsa ki to bizin guetté. To bizin guetté ki missié x et missié y ti ena pli boucou défaut avant fréquente jamaate ou soit après. Mo donne toi garanti ki sa banne là zotte ti pli pas bon avant zotte rente dans sa jamaate-là: Grâce a sa jamaate-là zotte fine dressé et zotte fine vine ene tipé bon. Astere dire moi to même cote problème jamaate rentré là dans? Eski jamaate fine faire li vine mauvais ou bien li fine corrige li? Eski bizin blâme jamaate pou sa tipé défaut la ki li encore ena li ou bien bizin félicite jamaate pou grand changement ki li fine amené dans so la vie?

Si ene dimoune ki vine namaz li coquin savates et souliers banne mouswalli, eski Imam ou soit masjid ou soit namaz ki éna tort là-dans?

To dans l’erreur si to attane vine ene grand alim ou ene grand savant quant to rente dans jamaate et sa li pas travail tabligh jamaate. Mais mo capave rassure toi ki to pou éna pli boucou désir ki avant, pou vine bon. Et sa même travail ki tabligh jamaate pé faire zeffort pou réalisé. Mo capave dire ki sel jamaate ki fine réussi réalise sa but là avec ene pourcentage pli élevé ki le zot groupes. Ki conné sa ene ti peu Deen ki to ena dans toi, capave ena à ene certaine pourcentage contribution de tabligh jamaate là dans. Jamais tappe coup de pied lors l'estomac ki fine allaite toi. Li pou dans to l'avantage. Wassalaam !

[Extrait de Al Jamiat Vol.1 No.4]