I'tikaaf

I'tikaaf dans masjid

I'tikaaf li permette dans tout masjid ki ena Imam et Moua'zzine et cote faire namaz avec jamaat régulier. Quant à banne madrassa ou banne l'endroit ki servi couma jamaate khaana ki perna statut masjid, pas gagne droit faire l'tikaaf là-bas. Tous bannes masjids à Maurice zotte satisfaire banne critères et banne conditions de I'tikaaf. Donc gagne droit faire I'tikaaf dans tous bannes masjids à Maurice.

1. Allah Ta'ala dire dans Qur'an-E-Kareem:

"... et pas approche banne là (madames) sexuellement quand ou en état I'tikaaf dans bannes Masjids." (V187:S2)

Par la parole Allah Ta'ala "quand ou en état I'tikaaf dans banne Masjids... ", banne 'Oulama-E-Kiraam dans tous l'époques finne comprend deux kitchoses:

a. Premièrement, I'tikaaf bizin faire dans masjid seulement et

b. Deuxièmement, I'tikaaf li permette dans tout masjid ki faire namaz avec jamaate régulier.

2. Rassouloullah ‎(Sallallaahou A'laihi Wasallam)‎ fine dire: "... Et perna I'tikaaf excepté dans ene masjid cote faire namaz avec jamaate." (Abou Dawood / Baihaqui /Darqutni)

3. Selon ene hadice rapporté par Hazrat Huzaifah, Rassouloullah ‎(Sallallaahou A'laihi Wasallam)‎ fine dire: "Tout masjid ki ena ene Imam et ene Mott'azzine, alors capave faire I'tikaaf là-dans." (Commentaire lors Moukhtasar At-Tahawi par Imam Abou Bakr Ar-Razi Al-Jassaas)

I'tikaaf pou banne madames

Pli bon place pou ene z'homme faire namaz c'est masjid. Acoze sa banne z'hommes zotte bizin faire I'tikaaf dans masjid afin ki I'tikaaf ki sounnat pas nécessite néglige faire namaz avec jamaat ki waajib.

Mais pou banne madames couma Rassouloullah ‎(Sallallaahou A'laihi Wasallam)‎ fine dire ki : "Pli bon place pou zotte faire namaz c'est dans l'intérieure de zotte la caze." - alors zotte bizin faire I'tikaaf dans zotte la caze même, dans ene l'endroit ki zotte fine fixé pou zotte faire zotte cinq fois namaz. Si zotte perna aukene l'endroit ki zotte fine fixé, alors pou le besoin de I'tikaaf zotte capave fixé li quand zotte commence I'tikaaf.

[Extrait de Al Jamiat Vol.1 No.4]