Khutbah en créole

Question: Ou dire pas gagne droit faire khutbah en créole. Bé eski khutbah pas veut dire ene "speech" ou ene causerie? Et ça pas bizin faire li dans ene langage ki tou dimoune capave comprend?

Réponse: Ena deux aspects dans khutbah. Ene aspect de zikr et l'autre aspect de Tazkeer (causerie). Le premier aspect oulé ki nou faire li en langue arabe pareil couma nou faire tasbeeh Soubhaanallah, Al-Hamdoulillah, Allahou Akbar et Daroud Shareef etc... Astere quand nou guette le deuxième aspect, ça dimane nou pou accomplir li dans ene langage ki banne dimounes capave comprend. La nou trouve nou dans ene situation assez difficile. Si nou faire li dans langage locale, nou pé néglige so aspect de zikr et si nou faire li en arabe, nou pé néglige so aspect de Tazkeer. Astere nou bizin guetté lequel aspect ki bizin donne priorité et bizin pli prend compte. Pour ça nou bizin guetté lesquels de deux aspects li pli fort ki so camarade.

Si nou faire li en langue locale, nou trouve ene parti d'accord et ene l'autre parti pas d'accord. Nou trouve surtout les 4 Aïmmah, Imam Abou Hanifa, Imam Malik, Imam Shafe'i et Imam Ahmad Bin Hambal (rahmatoul-laahi 'alayhim) zone pas d'accord avec le principe de faire khutbah dans ene l'autre langage apart langue arabe. Par contre, si nou faire li en arabe, pena personne ki dire ki li pas compté.

Ça aussi montré ki l'aspect de zikr li l'aspect prédominant dans khutbah. Donc li tout à fait normal et logique ki nou donne priorité et plus de considération à ça l'aspect de zikr-là et nou faire li en langue arabe seulement. Dans ça façon-là li valable selon tout un chacun. Ene kitchose ki permette en li même et ki acceptable à tout un chacun li garantie plis l'harmonie et donc li mérite plis considération ki ene principe ki amene dissension et bouleversement.

Maintenant pou solutionne le deuxième aspect plus faible de khubah, nou ena la pratique de faire causerie enbas mimbar ki daté depi l'époque de Hazrat 'Oumar ‎(Radiyallahou anhou‎)‎. Dans ça façon-là nou finne donne considération à chacun de deux aspects selon zotte mérite et degré de l'importance ki tous les buts fine réalisé sans change structure de khutbah.

[Extrait de Al Jamiat Vol.1 No.5]