Qiblah

FAIRE FIGURE VERS QIBLAH

Faire figure dans direction Qiblah li obligatoire dans namaz. Nou Qiblah li trouve dans direction Baitoullah ki trouve dans Makkah Moukarramah. Si arrive dans ene l'endroit cote pena aukene moyen pou conne direction Qiblah, alors bizin faire namaz dans direction ki ou le coeur dire. Si dans namaz, l'idée fine changé alors bizin vire dans ça direction-là dans namaz même. Si après namaz fine conné ki Qiblah ti dans ene l'autre direction, alors pas bizin refaire ça namaz-là. Ça namaz-là li correct et valable.

RESPECT POU QIBLAH

Pas gagne droit talle li pied en direction Qiblah quand pé assizé ou quand pé dormi. Pas gagne droit faire face vers Qiblah ni gagne droit donne le dos quand pé faire besoin. Ça li appliqué pou banne z'enfants aussi. C'est à dire pas bizin laisse banne z'enfants aussi faire ça. Pas gagne droit craché en direction Qiblah.

QIBLAH ET IDOLÂTRIE

Idolâtrie veut dire prier idole ou statue. Prié n'importe ki kikchose apart Allah Ta'ala appelle Shirk et Koufr. Pena jannat pou ene dimoune ki mort lors Shirk et Koufr. Ene dimoune pareil li pou alle dans l'enfer pou tou le temps. Faire figure vers Qiblah, li pas idolâtrie parceki nou pas prié Ka'bah ni Baitoullah. Baitoullah ou Ka'bah fine faire avec roche et pas gagne droit prié roche. Namaz li compté si fine faire li dans Ka'bah ou bien lors Ka'bah - meme ki li pas bon faire namaz lors Ka'bah. Coumsa même si perna aukene batiment cote Ka'bah été, là aussi bizin faire namaz dans ça direction-là et namaz-là pou compté.

"... Pas faire sajdah divant soleil ni divant la lune. Faire sajdah pou Allah Ta’ala ki fine crée ça banne kitchose-là si (vraiment) ou faire li même so ibaadat tou sel." (S41 V37) "Et ou Rabb fine ordonné ki zotte pas prié personne apart li ... " (Sourah Bani Israail S17:V23)

[Extrait de Al Jamiat Vol.1 No.5]