Mouhaddith et faqih.

Mouhaddith c'est ene kikene ki bien versé dans la matière de hadice. C'est ça même ki nou appelle ene expert et savant de hadice.

Quant à ene Faqeeh, c'est ene kikene ki fine gagne ene don extraordinaire pou comprend et interprète Quraan-e-Kareem et hadice de Nabi ‎(Sallallaahou A'laihi Wasallam)‎. Apart ça li conne banne circonstance cote la loi de chaque verset et chaque hadice bizin appliquer. C'est ça même ki nou appelle banne juristes.

Si ene Mouhaddith li situé la position de chaque hadice, ene Faqeeh li montré l'application correcte et appropriée de chaque verset et chaque hadice. Imam Tirmizi (rahmatoul-laahi 'alayh) dire: "C'est banne Fouqaha (juristes) ki conne interprétation banne hadices pli bien."

Nou bizin suive recherche et l'opinion ene Mouhaddith pou situé la vrai position ene hadice. En ceki concerne interprétation et application ene verset ou ene hadice, nou bizin suive recherche ene Faqeeh. Couma la bas, ene dimoune pena liberté décide position ene hadice par li même sans suive recherche ene Mouhaddith, ici aussi ene personne li pas libre pou applique ene verset ou ene hadice par li même sans suive recherche ene Faqeeh.

[Extrait de Al Jamiat Vol.1 No.8]