Masjid

Littéralement masjid signifié ene place ou bien ene l'endroit cote faire sajdah. Sajdah, c'est la posture dans laquelle ene serviteur li prosterné devant celui ki fine crée li. Dans sa posture-là, le serviteur pose so front, son nez-nez, so deux paume la main, so deux genoux et so deux lipied lors la terre.

La posture de sajdah li ene posture très essentielle et très important dans namaz - li tellement important ki sans sa, namaz pas compté.

Ibaadat c'est ene moyen pou ene serviteur humilier li devant so créateur. Sajdah li ene de banne posture cote ene serviteur capave humilier li pli bien devant so créateur. A mesure ene serviteur humilier li devant so créateur, pli li approché avec so créateur. Etant donné ki sajdah c'est ene posture plus approprié pou ene serviteur montré so humilité, c'est là ki ene serviteur vine pli proche de so créateur.

Rasouloullah ‎(Sallallaahou A'laihi Wasallam)‎ fine dire:-

"La posture cotte ene serviteur vine pli prés avec so Rabb, c'est au moment quand li prosterner." (Mouslim)

Vu l'importance, la valeur et la position ki sajdah occuper dans structure de namaz, finne appelle namaz sajdah. Là, si nous permette nous prend sajdah dans le sens de namaz, pena narien si nous dire ki masjid c'est ene l'endroit cote faire namaz. C'est dans ce même sens ki Rasouloullah ‎(Sallallaahou A'laihi Wasallam)‎ fine dire:

"Et entier la terre fine être désigné comme masjid et ene moyen pou purifier pou moi - Donc n'importe cote sa ki ene dimoune dans mo 'Oummah l'heure namaz joine li, alors ki li faire namaz là." (Boukhari)

Banne communauté auparavant pas ti ena droit faire ibaadat partout apart sa l'endroit ki ti fixé pou faire ibaadat. L’oummah de Hazrat Mouhammad ‎(Sallallaahou A'laihi Wasallam)‎ fine gagne l'autorisation et privilège pou faire ibaadat partout cote l'heure namaz joine li. Donc si littéralement parlant masjid signifié ene l'endroit cote faire sajdah ou bien cote faire namaz, dans usage général, par masjid nous comprend ene l'endroit ki finne désigné pou accomplir et observe principalement namaz.

[Extrait de Al Jamiat Vol.1 No.9]