Pas discute pou narien

C'est ene perte de temps discute Deen sans conne Deen. Parceki nou discute Deen pou profité. Ene discussion sans connaissance li ene discussion stérile ki pas profite personne apart crée confusion. Et très souvent banne discussion pareil zotte termine en la guerre et bagarre.

Coumsa même li ene gaspillage le temps quand deux personnes ki ena connaissance discute Deen sans ki zotte prépare zotte pou accepté la vérité. Selon Rasouloullah ‎(Sallallaahou A'laihi Wasallam)‎ refuse accepté la vérité li vine à partir l'orgueil. Et selon ene l'autre hadice, l'orgueil li tellement grave ki la valeur ene la grain moutarde li sufi pou empêche ene dimoune rente dans jannat. Donc ena ene seul façon discute Deen ki profitable. C'est discute Deen avec ene l'esprit et le coeur rempli de sincérité pou comprend. Sinon ene joli signe de beauté aussi pou paraite ene vilain tache.

[Extrait de Al Jamiat Vol.1 No.9]