Tabligh jamaat

Tabligh c'est ene principe fondamental de l'Islam ki finne pratiqué en prémiere lieux par tous banne prophètes. Après nou Nabi ‎(Sallallaahou A'laihi Wasallam)‎ pena aukene Nabi ki pou vini. Acoze ça c'est l'oummah en entier ki responsable pour faire ça travaille noble-là. C'est l'oummah ki bizin prend la rélève. Ena plusieurs branches de Dawah et tabligh. Ena pé faire li à travers causerie. L'autre pé faire li à travers banne publication. Ena pe roule maktab madrassah. Et ene groupe fine choisir pou alle donne Dawah porte à porte. Tout ça la c'est diffèrent façons de tabligh. Mais Allah ta'ala même oulé ki ça jamaat là alle porte à porte. Li fine reconnaitre par Tabligh Jamaat. Sans doute li ene bénédiction et ene cadeau de coté Allah Ta'ala.

Zotte message li axé principalement lor tawheed et mettre confiance totale lors Allah taala puisque dans tout zotte programmes zotte dire bizin tire confiance lors créature et mette lors createur. Allah Ta'ala capave faire tout sans narien du tout et creature pas capave faire narien sais permission Allah. Ça meme premier kitchose ki zotte pou dire dans zotte banne programmes - ki li soit ene ti explication par ene simple personne ou bien ene grand causerie dans ene grand ijtema (rassemblement) par ene grand Aalim. Tou ceki fine marche dans Jamaate et ceki fine assisté zotte programme conne ça bien et capave témoigné.

Ena boucou pour raconté mais li ene question de gout ki dimane gouté même pour comprend sans gouté li difficile pour conne so vrai porté. Qaund ou fine goute ou même ou pas pour capave expliqué ki quantité li bon. Tire toute sorte conclusion sans gouté li pas serieux.

[Extrait de Al Jamiat Vol.1 No.10]