Imam Abou Hanifah (rahmatoul-lahi ‘alayh)

Ena banne hadices fine être rapporté pou prouve grandeur Imam Abou Hanifah (rahmatoul-laahi ‘alayh). Par exemple, selon ene hadice Rassouloul-laah ‎(Sallallaahou A'laihi Wasallam)‎ fine dire: “Certainement Adam ‎(Alaihis Salaam)‎‎ li fier de moi et moi mo fier de ene personne dans mo Oummat ki appelle ‘Nou’maan’. C’est la lumière de mo Oummat.”

Nou’maan c’était le nom de Imam Abou Hanifah (rahmatoul-laahi ‘alayh). Ena dimoune fine essaye prouve la valeur de Imam Abou Hanifah (rahmatoul-laahi ‘alayh) par ça hadice-là. Mais bizin conné ki ça hadice-là c’est ene “HADICE FABRIQUE”. Ene hadice pareil pas gagne droit rapporté sans dévoilé ki li ene hadice fabriqué. Quand nou ena l’amitié pou kikene, faudré pas ça faire nou servi banne hadices fausses et fabriqué pou donne li valeur. La vérité c’est la vérité et la vérité même bizin faire triompher et la vérité même triomphé tout le temps.

Par contre ena hadice authentique ki donne l’impression assez fort ki c’est Imam Abou Hanifah (rahmatoul-laahi ‘alayh) même ki fine être signifié et prédit par ça hadice là. Par exemple le hadice de Abou Hourairah ‎(Radiyallahou anhou‎)‎, selon lequel Rassouloul-laah ‎(Sallallaahou A'laihi Wasallam)‎ fine dire: “Si Deen pou appendant avec Sourayyah (Les Pleaides - nom ene z’etoile) pou ena ene personne de “Faaris” (la Perse) ki pou gagne li.” (Boukhari et Mouslim)

Selon ‘Allamah Jalaalouddeen As-Souyouti (rahmatoul-laahi ‘alayh) ça hadice-là li ene preuve très authentique lors laquelle capave base la grandeur de Imam Abou Hanifah (rahmatoul-laahi ‘alayh) parce ki dans la communauté perse pas fine ena kikene dans calibre de Imam Abou Hanifah (rahmatoul-laahi ‘alayh).

[Extrait de Al Jamiat Vol.1 No.11]