Mou’tazilah

C’est ene secte égaré. Zotte chef appelle Waassil Bin ‘Ataa ki ti ensemble avec Hazrat Hassan Basri (rahmatoul-laahi 'alayh). Apres ça li fine casse bande et fine retire li ene coté. Banne ki suive ça secte-là zotte pas croire dans karaamat. C’est à dire zotte pas croire dans banne miracles ki fine paraite dans la main banne Awliyaa Allah (banne personnages pieux).

Quant à Ahlous Sounnah wal Jamaa-‘ah zotte croire dans karaamat parceki li prouvé par Qour'aan ek hadice. Ene kikchose ki prouvé par Qour'aan ek hadice, bizin accepté li.

D’ailleurs ene wali perna capacité montré ene miracle quand li oulé sans Allah Ta'ala oulé. C’est necque Allah Ta'ala ki faire miracle paraite lors la main ene wali. Et narien pas impossible pou Allah Ta'ala. Pas accepté et pas croire dans karaamat c’est absolument doute capacité Allah Ta'ala ki ene bon musulman pas capave faire. Allah Ta'ala li ena pouvoir lors tout kikchose. Li capave faire tout ceki li oulé.

“ Certainement ou Rabb bien capave faire ceki li oulé.” (S11 V107)

[Extrait de Al Jamiat Vol.1 No.11]