Mefait de gounaah

1. Quand ene dimoune faire gounaah li deprivé connaissance de deen parceki connaissance de deen c’est ene lumière interne et a travers gounaah ça lumière la li teigne.

 2. Nourriture li diminué et perna barakate dans manger. Rasouloullah ‎(Sallallaahou A'laihi Wasallam)‎ fine dire:

«Ene personne li déprivé avec nourriture à travers ene gounaah ki li pé faire.» (Ahmad)

3. La personne ki commettre gounaah li ena ene certaine dégoût et méprit avec pratique de deen et li pas intéressé avec deen.

4. Celui ki commettre gounaah li ena ene méprit et ene dégoût pou banne ki pratique deen et so lecœur li pas accepté pou reste dans compagnie banne dimoune pieux Et la quantité ki li  éloigné avec banne dimoune ki pratique deen, ça quantité la même li deprivé de tout bannes bienfait de ça dounya la.

5. Généralement couma ene dimoune li pratique deen et ena taqwa, Allah Ta’ala ouvert chemin de sa persone là dans chaque difficulté, de la même façon ene dimoune ki quite taqwa et commettre gounaah, banne chemin de réussite et prospérité zotte fermé pou ça personne la.

6. A travers gounaah ene noireté fané dans le coeur et sa noireté la li paraître lors ça dimoune la so figure aussi.

Hazrat ‘‘Abdoullah Ibn ‘Abbaas ‎(Radiyallahou anhoum‎)‎ fine dire: “A travers ene bon action ene dimoune li gagne ene noor dans so visage, dans so le cœur, li gagne barakate dan so rozi, , li gagne la force dans so lecorp, banne dimounes content li. Et quand ene dimoune commette gounaah ena noireté dans so figure, dans so le cœur et dans qabar aussi pou ena noireté, so lecorp reste paresse, dans so rowzi perna barakate et banne dimoune ena degout pou li et  la haine.

[Extrait de Al Jamiat Vol.1 No.12]