Quand to pou comprend ????

Quand to perna pou accepté, perna personne ki capave faire toi comprend. Parceki si to pas pé montré aukene signe de compréhension, li pas acoze ki to pas capave comprend. To comprend toi mais to pas oulé comprend. Quand to pas oulé comprend, hadice Saheeh aussi vine faible pou toi. Laisse hadice - Dans ene certaine moment, to déclare pas comprend certaine versets dans Qour’aan aussi. Qour’aan dire dimoune mort fine déjà revive et toi to dire ki banne fou et banne ki perna l’esprit ki capave accepté banne fantaisies pareille. To tendé même ceki to causé toi ?

Si hadice Saheeh capave vine faible quand ça pas paraite dans to bord, alors bizin fini conné ki traitement ene Sahabi capave gagné avec toi. Sans hésitation to capave dire, et d’ailleurs to ena l’habitude dire, ki parole Sahabi li pas ene preuve. L’opinion banne Imaam aussi perna poids. Mais quand vine tour pou critiqué et to trouve li dans to bord, to pas hésité attrape fatwa tel Sheikh ou tel Moufti.

Mo dimane toi, ça Moufti-là, ki li été ? Eski li ene Rasoul, ene Sahabi ou bien ene Tabeï ? Malgré ça, ki faire to prend so l’opinion et to sauté coumsa ? Ça même dire ki quand ene dimoune noyé, li essaye attrape tout ti la paille ou feuillage pou sauve so la vie. Ça même ki pé arrivé-là. Si là aussi to pas comprend, bé quand to pou comprend !!

[Extrait de Al Jamiat Vol.1 No.13]