Shab-é-Baraate

Perna doute ki Shab-é-Baraate — la nuit de 15eme Sha'baan ou bien Lavtoul Baraa-ah ceki nou appelle 'Souhruate ' li ene nuit ki beni et li renferme boucou vertu et profit. Certaine personne fine prend le toupet et le courage pou dire ki ça la nuit là li ene nuit normal et so banne vertu li basé lors banne hadice ki fabriqué ou bien ki bien faible. C'est ene déclaration ki basé lors l'ignorance parceki environ 14 Sahaabah ‎(Radiyallahou anhoum‎)‎ fine rapporte hadices lors vertu de ça grand la nuit là. Parmi ena Hazrat ‘Aisha, Hazrat ‘Ali, Hazrat Abou Moussa al Ash'ari  ‎(Radiyallahou anhoum‎)‎ etc ... ça banne hadices la fine rapporté dans banne livre de hadice tel que Mousnad Ahmad. Ibn Hibban. Bayhaqi. lbn Maajah etc ... Li vrai ki ena certaine hadice ki fine rapporté lors sa sujet là zotte faible. Mais ena certaine ki fine déclaré comme sahib par banne Mouhaddicine (expert dans hadice) tel que Ibn Hibban. Al Baihaqui et AI Bazzaar. Et puis d'après banne oussoule (principes) de banne Mouhaddicine même, sa banne hadice là malgré ki zotte capave faible en zotte même quand considère chakene individuellement, mais dans zotte l'ensemble zotte représente ene la force et a ce stade la ça banne hadice là vine Hassan (bon/passable) ki ene l'autorité dans deen.

[Extrait de Al Jamiat Vol.1 No.13]