Batir ou demolir - Sounnah et Bid'ah

"Celui ki montré respect pou ene personne ki dans bid'ah, alors absolument li fine donne coup de main pou démolir l'Islam". (Al Baihaqui)

Bid'ah c'est le contraire de sounnah. Li bon nou comprend d'abord ki veut dire sounnah pou capave comprend facilement ki veut dire bid'ah.

Sounnah c'est ene pratique ki en accord avec l'enseignement de Rasouloullah ‎(Sallallaahou A'laihi Wasallam)‎. Coumsa même ene pratique ki fine pratiqué ouvertement et publiquement dans l'époque banne Sahaba-e-Kiraam, Tabeïnes et Taba-Tabeïnes sans kit objection ou kit contestation, li ene signe et ene indication ki ça pratique-là li en accord avec l'enseignement de Rasouloullah ‎(Sallallaahou A'laihi Wasallam)‎. Donc ça aussi li ene sounnat. C'est parceki Deen ti ene kitchose de plus grande valeur pou banne dimounes dans ça trois l'epoque-là ki ti empêche zotte reste insensible et tranquille à l'égard ene pratique ki pas encadré avec les principes islamiques. L'intégrité de ça trois l'époques-là c'est ene kitchose ki témoigné par Rasouloullah ‎(Sallallaahou A'laihi Wasallam)‎ à cote li dire:

"Meilleur l'époque c'est mo l'époque et l'époque ki vine après ça et ensuite l'époque ki vine après".

Le témoignage lors l'intégrité ça trois l'époques ki Rasouloullah ‎(Sallallaahou A'laihi Wasallam)‎ fine donné, fine amene banne 'Oulama-e-Kiraam pou comprend ki toute pratique ki fine gagne l'approbation dans ça trois l'époque-là, li sounnat et li compatible avec l'esprit de Deen.

A la lumière de ça explication-là li facile pou comprend ki toute pratique et forme de I'baadat ki pas ti existé dans ça trois l'époques-là ou bien ki fine désapprouvé dans ça trois l'époques-là c'est "Bid'ah".

Donc ene personne ki adopté ene pensée ou ki engagé dans ene certaine forme de I'baadat ki pas approuvé par l'enseignement de Rasouloullah ‎(Sallallaahou A'laihi Wasallam)‎ ni li ti existé dans ça trois l'époques-là, c'est ene personne ki dans bid'ah. Ene personne ki dans bid'ah appelle ki Moubtadi'.

A la lumière de hadice Rasouloullah ‎(Sallallaahou A'laihi Wasallam)‎, montré respect pou ene personne pareille li représente démolition de l'Islam parceki ça li ene sorte de encouragement pou la personne continué reste dans so bid'ah. Promouvoir et encourage ene bid'ah par montré respect pou ene ki engagé là-dans, li ene moyen pou démolir l'édifice de l'Islam. Si montré respect pou ene Moubtadi' (ene personne ki dans bid'ah) li ene moyen pou démolir l'Islam, ça veut dire montré respect ene ki sérieux dans Deen et ki ena sounnat dans li, c'est ene moyen pou renforci Deen.

Rasouloullah ‎(Sallallaahou A'laihi Wasallam)‎ fine dire:

"Li pas dans mo 'Oummat, celui ki pas respect nou banne grands, perna pitié pou pou nou banne tipti et ki perna reconnaissance pou nou 'Aalim". (Mousnad Ahmad/Tibraani/Al-Haakim) 

[Extrait de Al Jamiat Vol.1 No.13]