Pas faire la tete dir

Faire la tête dir jamais ti ene bon manière. Shaitaan fine faire la tête dir, li fine maudit pou tout le temps. Coumsa même tout ceki faire la tête dir li regretté pli tard. Par exemple ene ti fille ou ene garçon ki marié avec kikene ki la famille na pas content. Et pourtant la famille ena parfaitement raison dans na pas accepté. Malgré ça, zenfant-là faire la tête dir pou marié. Finalement zone regretté ki faire zotte pas ti écoute zotte grand dimoune.

Coumsa même nou banne grand 'Oulama longtemps zotte fine trouvé ki li pas bon pou faire Khutbah Jummah dans ene l'autre langage apart la langue Arabe. Zone fine étudié Qour'aan-e-Kareem et hadice de Nabi ‎(Sallallaahou A'laihi Wasallam)‎ pli bien ki nou et zotte fine comprend li aussi pli bien ki nou. Apres ki zone fine étudié et comprend Qour'aan-e-Kareem et hadice de Nabi ‎(Sallallaahou A'laihi Wasallam)‎ zotte fine donne zotte jugement. Pas necque coumsa même ki zotte fine dire ça. Faudré pas faire la tète dir, surtout quand pena aukene preuve concrète depi dans Qour'aan et hadice. Si ti ena li, banne 'Oulama longtemps ti pou fini trouve li. Comprend bien et pas faire la tête dir.

[Extrait de Al Jamiat Vol.1 No.15]