Ahlus-sunnah wal-jamaa’ah

Rassouloullah ‎(Sallallaahou A'laihi Wasallam)‎ fine dire ki so ‘Oummat pou divisé en 73 groupes. Là-dans pou ena ene seul groupe ki pou alle dans jannat. Banne Sahaba fine dimandé ça groupe ki pou alle dans jannat-là, ki groupe ça. En réponse Rassouloullah ‎(Sallallaahou A'laihi Wasallam)‎ fine dire : “ Ça groupe ki pou lors ça principe ki moi et mo Sahaba été.” 

Ça hadice-là pé montré ki pou être dans Ahlus-Sunnah Wal Jamaa’a, faudré bizin suive banne principes de banne Sahaba-e-Kiraam aussi. Surtout banne principes et banne pratiques ki zotte fine adopté par l’unanimité couma faire 20 rakaats Taraweeh, considère 3 talaaq ki fine donné ene seul coup comme trois talaaq même. Tous ça-là c’est banne kitchoses ki tous banne Sahaba-e-Kiraam fine tombe d’accord lors-là. Pas accepté ça banne kitchoses-là comme tel, li ene façon pou tourne le dos avec Ahlus-Sunnah Wal Jamaa’ah. Et par conséquence li ene manière pou retire ou en dehors Ahlus-Sunnah Wal Jamaa’ah ki Rassouloullah ‎(Sallallaahou A'laihi Wasallam)‎ fine promette zotte Jannat.

[Extrait de Al Jamiat Vol.2 No.3]