Servicing imaan

Ene moteur bizin servicing de temps à autre pou reste en bon état et pou donne ene bon performance. Dans la même façon, Imaan aussi li déprécié et li pali couma ene dessin pali, ki dimane être traité par ene servicing lors ene base permanente.

Comportement ene dimoune li basé lors la qualité Imaan ki li possédé. Ene Imaan parfait sans doute, li favorise ene bon comportement dans Deen. Pou ene bon fonctionnement de Imaan lors ene base régulier, Rassouloullah ‎(Sallallaahou A'laihi Wasallam)‎ fine recommande so ‘Oummat pou récite kalimah “Laa-ilaaha illallaah” boucou. La récitation abondante de ça kalimah-là li renforci Imaan ki, à son tour, aide la personne pou reste dans l’obéissance Allah Ta’ala avec ene facilité et avec ene grand plaisir. Autant banané nou fine faire l’expérience très amère ki chanté-dansé fine faire nou éprouvé. Anou essaye reste dans zikrullah par récite le kalimah “Laa-ilaaha illallaah” boucou pou ça tigite le temps ki fine resté divant nou. Si nou fine continué pendant ene 40 jours, nou pou commence trouve so bon l’effet. Si jamais nou pas trouve so l’effet, nou bizin conné de toute façon, na perna perdi dans faire zikrullah. Parceki zikrullah veut dire reste dans pensée so bien-aimé, Allah Souhaanahou Wa Ta’ala. Si kikene gagne la chance reste dans pense so bien-aimé Allah Ta’ala, ça même li ene pli grand cadeau.

[Extrait de Al Jamiat Vol.2 No.4]