10 kitchoses ki trouve dans nature dimoune

Hazrat ‘Aisha ‎(Radiyallahou anhou‎)‎ fine rapporté qui Rassouloul-laah ‎(Sallallaahou A'laihi Wasallam)‎ fine dire :
“Ena 10 kitchoses ki trouve dans nature dimoune :
1. Taille moustache,
2. Quitte la barbe,
3. Faire Miswaak,
4. Nettoye néné,
5. Taille z’ongles,
6. Lave banne joints dans le corps,
7. Tire banne cheveux en bas les bras,
8. Tire banne cheveux en bas l’ombril,
9. Servi de l’eau pour nettoyé quand fini faire besoin.
Le narrateur dire ki mo fine blié dixiéme-là; li possible ki (fine dire):
10. Rince la bouche.
(Mouslim/Ahmad/Tirmizi/Abu Dawood/Nassai/Bayhaqi)

Actes naturelles
Actes naturelles veut dire banne actions ki trouve dans la nature humaine. C'est-à-dire, même si pas ti ena Shari’ah, ene insaan ki saint d’esprit et ki so mentalité correcte de par so nature, li ti pou bizin faire ça banne kitchoses-là parceki zotte trouve dans la nature ene dimoune.
Parceki banne Prophétes ‎(Alaihis Salaam)‎‎, zotte même banne insaan pli complete et pli parfait. Zotte maniere et zotte caractere meme pou vraiment consideré comme naturelle.
Dans ene l’autre hadice, Rassouloul-laah ‎(Sallallaahou A'laihi Wasallam)‎ fine dire ki :
“Dix kitchoses consideré comme banne pratiques de tous banne Prophétes ‎(Alaihis Salaam)‎‎.”
Puisque li ene pratique de tous banne Prophétes ‎(Alaihis Salaam)‎‎ et ki nous Prophéte ‎(Sallallaahou A'laihi Wasallam)‎ fine recommende nous observe ça banne kitchose-là et li même en personne fine observe sa banne kitchose là. Tout ça là montré le degré de l’importance ki shariat fine attaché avec ça banne pratiques-là. Alors nous bizin faire ene z’effort special pou mette en pratique ça banne kitchoses-là.

[Extrait de Al Jamiat Vol.2 No.4]