40 namaz dans Madinah

Selon ene hadice, Nabi ‎(Sallallaahou A'laihi Wasallam)‎ fine dire :

“Celui ki accomplir 40 namaz dans mo masjid (Masjid-un-Nabawi) en sorte ki li pas ratte aukene namaz là-dans, alors li pou gagne liberté de l’enfer, protection contre punition et li pou libéré de l’hypocrisie.”

Ça hadice-là fine rapporté par Hazrat Anas ‎(Radiyallahou anhou‎)‎ et li trouve dans Mousnad de Imam Ahmad Bin Hambal (R). Ça fine aussi rapporté dans Tibraani. Selon Allaamah Al-Mounziri ki fine décédé en 656 Hijri, ça hadice-là li ene hadice authentique. Li pas ene hadice fabriqué ou ene hadice ki pas fondé couma certaine oulé faire croire.

[Extrait de Al Jamiat Vol.2 No.4]