L’orgueil

Ene bon musulman pas capave ena l’orgueil. Ene hadice dire ki ene dimoune ki ena ene tigite l’orgueil la quantité ene la grain moutard, li pas pou rente dans jannat. Ça montré ki l’orgueil li ene poison ki prive ene dimoune de so bien être et ki ena capacité pou brise so l’avenir pou tout le temps. Ceki fine arrive shaitaan, fine arrive li acoze so l’orgueil. Li fine refuse accepté l’ordre Allah Ta’ala acoze so l’orgueil. Finalement Allah Ta’ala fine maudit li pou tout le temps.

Ene dimoune bizin calculé ki extra ena avec li pou ena l’orgueil. Couma tout dimoune, li aussi li ena pou dormi enbas la terre ene jour. Li fine faire avec la terre et ki finalement li pou revine la terre.

[Extrait de Al Jamiat Vol.2 No.4]