Shaheed

Ene personne ki mort lors champ de bataille dans defanne la cause de l’Islam, li ene shaheed d’après shariat. Ene personne pareille, perna ghussal pou donné. Necque ena pou faire so namaz janaaza sans donne li ghussal. Apart ça ena encore lezot qualité shaheed mais ki bizin donne zotte ghussal avant faire namaz janaaza. Par exemple ene dimoune ki l’ennemi fine attaque li ou bien so famille. Dans li pé defanne so propre la vie ou bien la vie so famille, li fine mort. Ça la mort-là aussi li ene la mort shaheed.

En principe Allah Ta’ala li gracié ene dimoune ki fine mort shaheed. Donc ene dimoune ki perdi so la vie dans defanne so propre la vie, so famille, so du bien ou bien so l’honneur, li gracié par Allah Ta’ala parceki li ene shaheed. Selon ene hadice dans Tirmizi, Rassouloullah ‎(Sallallaahou A'laihi Wasallam)‎ fine dire :

“Celui ki fine mort dans defanne so du bien, li ene shaheed.”

“Celui ki fine mort dans defanne so la vie, li ene shaheed.”

“Celui ki fine mort dans defanne so so Deen, li ene shaheed.”

“Celui ki fine mort dans defanne so la famille, li ene shaheed.”

[Extrait de Al Jamiat Vol.2 No.5]