Différence entre Tawheedi et Tabligh Jamaat

Question:

Ki différence ena entre Tawheedi et Tabligh Jamaat ?

Réponse:

Tous les deux zotte ene seul. Na perna aukene contraste ou kit contraste entre les deux. Li pareil couma dire ça relation ki ena entre le terme ‘être humain’ et ‘médecin’.

Couma perna aukene contraste entre le terme être humain et médecin, coumsa même perna aukene contraste entre Tawheedi et Tabligh Jamaat. Li bon conné ki Tabligh Jamaat li pas ene secte, ki très souvent nou ena tendance faire croire. C’est ça travail très important de ordonne le bien et empêche le mal ki ene groupe fine prend charge et la responsabilité pou faire li, ki fine faire zotte reconnaite par Tabligh Jamaat. Donc dans ce sens, reconnaite comme Tabligh Jamaat li ene mérite parceki ça jamaat-là en sus d’être vrai Tawheedi Jamaat et vrai Sounnat Jamaat, zotte pé assume la responsabilité très lourd et très important de ordonne le bien et empêche le mal. Par contre banne ki appelle zotte Tawheedi Jamaat, sans faire ça grand travail, zotte ene Tawheedi Jamaat avec ene manquement.

[Extrait de Al Jamiat Vol.2 No.7]