Faire péché au clair

Péché li reste ene péché. Mais entre péché ek péché ena différence. Ena péché li capave pli grave ki so camarade. Faire péché au clair li pli grave ki faire ene péché en cachiette. Parceki dans faire li au clair, ena ene genre de l’encouragement pou lezot ki ti pé hésité pou faire li.

Quand ene dimoune faire ene péché au clair dans public, li commette ene genre de affront avec Shariah. Acoze ça li enlève la sécurité et le bien-être ki ti entoure li de coté Allah Ta’ala. Li vine ene dimoune vulnérable. Coumsa même ene dimoune ki raconte so camarade péché ki li fine commette, li couma dire ene péché ki li fine commette ouvertement en public. Alors ça dimoune-là aussi li subir le même sort ki ene dimoune ki commette péché ouvertement dans public.

[Extrait de Al Jamiat Vol.2 No.7]