Wahdatoul Woujoud et ene erreur

Ene causé de sagesse dire ki bizin adresse dimoune d’après so niveau. Malheureusement le sujet de Wahdatoul Woujoud ki ti causé auparavant dans ene milieu ki ti à la hauteur pou comprend ça, fine rente dans z’oreille banne ki perna l’aptitude pou comprend li. Donc d’après principe, banne ki comprend li faudré pas zotte cause ça avec banne ki pas capave comprend li afin pou pas crée confusion. Et banne ki pas capave comprend, faudré pas zotte critique banne personnes ki comprend pou ene kitchose ki zotte même zotte pas capave comprend. Alors couma li ene erreur cause ene kitchose divant banne ki pas capave comprend, coumsa même li ene erreur critique ou camarade quand ou même pas comprend.

[Extrait de Al Jamiat Vol.2 No.8]