L’état d’esprit ene vrai musulman ?

Le chef d’état romain fine propose Hazrat Abdullah Bin Huzafah ‎(Radiyallahou anhou‎)‎ pou vine chrétien et fine promette li, ki li pou partage so royaume et so pouvoir avec li. La réponse de Hazrat Abdullah Bin Huzafah ‎(Radiyallahou anhou‎)‎, li faire le cœur chaque musulman vibré de joie et de goût pou vive comme ene “imaandaar” (vrai croyant) ziska so dernier soupir. En réponse li fine dire :

“Si to donne moi tout ceki toi et tout ceki banne arabe possédé pou mo renonce Deen ki fine amené par (Hazrat) Mouhammad ‎(Sallallaahou A'laihi Wasallam)‎ pou ene clin d’œil aussi, mo pas pou faire li.”

Voila couma ene musulman bizin été dans ça dounia-là. A aukene moment faudré pas li quitte so Deen parceki perna narien pli cher ki so Deen lors ça la terre-là. Ki quantité pauvre et faible nou été de par nou Imaan ! Parfois acoze ene cadavre ki dimain après dimain pou vine la terre, nou vanne nou Deen et nou Imaan. Banne Sahaba-e-Kiraam ‎(Radiyallahou anhoum‎)‎ fine sacrifié zotte richesse, zotte famille et zotte la vie pou Deen et nou azordi, nou accepté pou vanne tout acoze ene ti pé jouissance dans dounia. Ene musulman bizin conné ki so réussite trouve seulement dans mort lors ça Deen ki nou Nabi ‎(Sallallaahou A'laihi Wasallam)‎ fine amené.

[Extrait de Al Jamiat Vol.2 No.9]