L’appel à banne ki fine quitte zotte Deen

Dimoune ki fine quitte Deen et fine rente dans la religion banne kaafir, alors zotte capave re-retourne dans zotte Deen ki zotte ti été auparavant. Tanque zotte lizié pé encore batté, zotte encore ena chance repentir et re-attrape l’Islam. Allah Ta’ala li grand Pardonneur. Li pou pardonne zotte si zotte sincère. Ça li applique pou même ene dimoune ki fine gagne boucou le temps depi ki li fine quitte Deen. Faudré pas blié ça causé ki dire “Tanque ena la vie, ena l’espoir”. La porte de Tawbah (repentir) li reste ouvert tanque ene dimoune li encore vivant. Coumsa même banne ki fine quitte zotte Deen acoze ki zotte fine marié dans kaafir, zotte aussi zotte capave revine dans zotte Deen. Ça capave crée certaine problème social mais bizin calculé ki ça problème ki pou gagné dans mort lors la religion kaafir, li boucou pli grave. Li ene problème ki pas pou fini. Li pou reste pou tout le temps. Vaut mieux ene ti problème pou ene morceau jours ki ene problème pou tout le temps. Ki  Allah Ta’ala donne nou tous le courage et le taufeeq ! Ameen.

[Extrait de Al Jamiat Vol.2 No.9]