L’orgueil

L’orgueil c’est ça vilain qualité ki faire ene dimoune prend li pou pli bon ki so camarade. Shaitaan ti ena ça mauvais qualité-là dans li, alors li fine maudit pou tout le temps. Ene dimoune ki ena connaissance ou bien ki faire boucou ibaadat capave trouve li la main vide acote Allah Ta’ala si li pas nettoye li de l’orgueil. Li couma dire ene drome avec ene fond troué ou perforé. Ou capave rempli de l’eau la quantité ki ou content, mais tout le temps ou pou trouve li vide. Si jamais ou trouve li rempli, c’est necque pou ene ti le temps. Mais finalement li pou dévidé. Coumsa même ene dimoune ki ena ça dans li, jamais li pou prospéré. Tanque ene dimoune pou ena ça dans li, li pas  pou gagne l’accès dans jannat parceki jannat pas fine faire pou banne dimoune orgueilleux.

[Extrait de Al Jamiat Vol.2 No.9 et Vol.2 No.11]