Cercle vicieux

Ou pas faire taqleed parceki ou dire ki pas gagne droit faire taqleed. Mais eski ou fine réalisé ki par faire taqleed kikene même ki ou dire pas gagne droit faire taqleed ! Parceki ça ti connaissance ki ou ena-là, pas permette ou dire pas gagne droit faire taqleed sans faire taqleed kikene. Finalement ou pas fine capave empêche ou faire taqleed kikene dans dire pas gagne droit faire taqleed. Alors ou fine retourne cote ou ti démarré parceki ou fine empêche faire taqleed par faire taqleed !

Pas gagne droit faire taqleed?

“Pas gagne droit faire taqleed” Ça li pas ene verset dans Qour’aan ça, ni li ene hadice. C’est ene kitchose ki dimoune fine dire par zotte l’esprit.

Gagne droit faire taqleed?

Mais en réalité gagne droit faire taqleed. Et c’est ça même ki li conforme et corresponne avec l’enseignement  Qour’aan et hadice. Pas seulement li permette. Li obligatoire pou ene dimoune ki pas capave faire so propre recherche. C’est suive ene dimoune ki pas dans Deen ki empêché. Mais suive ene dimoune ki ena connaissance et ki sérieux dans so Deen, ti jamais empêché d’après Qour’aan et hadice.

[Extrait de Al Jamiat Vol.2 No.11]