6 roza après Eid

Rasouloullah ‎(Sallallaahou A'laihi Wasallam)‎ fine dire :

"Celui ki garde 6 roza dans Shawwaal après Ramadwan li couma dire fine garde roza pendant toute longue l'année." (Sahih Mouslim)

Le mois Shawwaal c'est ça mois ki vine après le mois Ramadwan ki commencé par jour Eid. D'après hadice ena cinq jours dans ene l'année ki pas gagne droit garde roza là-dans :

1. Jour Eid,

2. Jour Baqr-Eid,

3. Et trois jours après Baqr-Eid ki appelle Ayaam-ut-Tashreeq.

Donc ça 6 roza ki recommandé gardé dans Shawwaal, pou bizin vine automatiquement dans banne jours après le jour de Eid. C'est ene roza ki capave observe li ene seul trait couma capave garde li saute-sauté aussi. Pourvu garde li avant ki le mois Shawwaal terminé. Li bon conné ki ça roza-là li pas obligatoire. Ça veut dire si kikene pas garde li, li pas gagne aukene péché. Ni gagne droit critique li ou blâme li. Mais si ene dimoune gardé, li ena boucou récompense à gagné. D'après hadice, le mois de Ramadwan so récompense et récompense de ça 6 roza-là dans so l'ensemble li représente récompense ene banané roza. Parceki d'après shariat nou gagne 10 récompenses pou ene action. Ene mois Ramadwan so récompense li représente 10 mois so roza et 6 roza li représente 60 roza ki égal à 2 mois roza.

[Extrait de Al Jamiat Vol.1 No.15, Vol.2 No.12, Vol.3 No.9 et Vol.4 No.5]