Suivre aveuglement…

Chemin de Hidaayat d'après banne érudits et banne juristes li trouve dans pratique Deen par suive ene de ça 4 mazhab-là. Ça appelle pratique Deen par suive ene ki pli pratiquant et pli conne Deen.

D'après conseil banne ki absolument aveugle dans Deen comparé à banne grand savants longtemps, bizin suive ene aveugle au lieu suive banne grand savants longtemps. Ça façon suive-là, li pas seulement appelle suive aveuglement mais li ene degré pli pas bon parceki appelle li suive aveuglement ene ki aveugle. Parceki ena deux façons pou suive aveuglement : Premier façon c'est suive aveuglement ene kikene ki trouve clair et deuxième façon c'est suive aveuglement ene ki li aussi li aveugle. Ça deuxième façon-là li pli pas bon. Li malheureux ki lors confiance dans compétence ene pilote ki kaafir, nou permette nou dormi sans tracas dans avion mais nou pena ça confiance-là lors banne mujtahid couma Imaam Abou Hanifah (R), Imaam Malik (R), Imaan Shafi' (R) et Imaam Ahmad (R). Si nou bateau pou coulé c'est grâce à banne jeunes "prédicateurs" incompétent irresponsable ki pé faire la tête li pied pou faire l'oummah suive banne aveugles aveuglement !

[Extrait de Al Jamiat Vol.2 No.13]