Faire ene ti plaisir

A l'occasion fête la fin d'année, ou capave gagne banne proposition couma "faire ene ti plaisir". C'est-à-dire ou banne camarades et ou banne collègues invite ou pou prend en ti verre ziste pou faire ene ti plaisir. Li très simple ki ou pas bizin à aukene moment accepté ça invitation-là. Par accepté ene invitation pareil, ou pou laisse ou emporté par shaitaan ki li ene l'ennemi déclaré pou ou. Ou pou debalance ou position ki ziska l'heure li ti encore stable. Ou pou alle faire ene premier pas vers ou propre destruction. Ou madame, zenfant et ou proche, zotte tous pou souffert ensemble avec ou.

Eski ça aussi appelle plaisir même ça, ki faire ça quantité dégâts-là ? Nou bizin conne dire "NON" à banne plaisir ki faire nou désobéir Allah Ta'ala. Ene Allah ki content nou plis ki mama papa content zotte zenfants!

Parfois ou dire : "Ki ena si mo prend ene jus à table ensemble avec banne ki pé prend l'alcool pourvu moi mo pas boire!". FAIRE ATTENTION ! Ça aussi li pas permette. Comme ene musulman, ou pas gagne droit ni boire ni accompagne banne ki pé boire ni boire de l'eau Zamzam aussi lors même la table ki pé servi du vin ou la boisson alcoolique.

[Extrait de Al Jamiat Vol.2 No.13, Vol.7 No.3 & 12]