L'essentiel

Ou ena pou alle ene l'endroit ki ene chauffeur pé amene ou. Si chauffeur-là pé conduire bien, bizin laisse li faire so travail avec tranquillité et liberté. Si malgré ça ou essaye pou prend volant depi dans so la main, ça capave cause ene accident, même fatal aussi. Tout ça-là acoze ene simple ti désir ki ou fine échoué résisté conte ça. Ça même kitchose quand ene dimoune dans Deen pou analysé, li pou conclure ki ou fine dicté par ou nafs ki fine néfaste pou ou et pou ou camarade. Et li bien vrai ki nafsaniyyat li détruire bon-bon dimoune quand ça li monte dans la tête. Donc l'essentiel ki ene dimoune compétent pé bien faire so travail. Faudré pas interfère dans so travail. D'après l'enseignement Rassouloullah ‎(Sallallaahou A'laihi Wasallam)‎, faudré pas la guerre avec ene kikene ki pé assume bien so responsabilité.

[Extrait de Al Jamiat Vol.3 No.5]