Salaat-ut-Tasbeeh

Salaat-ut-Tasbeeh c'est ene namaz ki constitué de 300 tasbeeh supplémentaire. Selon Allaamah Bin Hajar Al-Asqaani, ena 10 Sahaba-e-Kiraam ki fine rapporte hadice lors ça sujet-là. Apart ça ena ene bon nombre de banne tabeines aussi fine rapporte banne hadice.

Al-Hakim fine qualifié le hadice rapporté lors ça sujet-là de ene hadice authentique. Quant à Ibn-ul-Jawzi, li fine qualifié ça de ene hadice fabriqué. Après les pours et les contres, Allaamah Ibn Hajar Al-Asqaalani dire:

"والحق انه فى درجة الحسن لكثرة طرقه"

"La vérité, c'est ki ça li dans niveau ene hadice Hassan acoze l'abondance de so source."

N.B: Ene hadice Hassan c'est ene hadice ki capave servi comme ene preuve. Donc d'après Allaamah Ibn Hajar Al-Asqalaani, le hadice rapporté lors sujet Salaat-ut-Tasbeeh li dans ene niveau ki permette mette li en pratique.

[Extrait de Al Jamiat Vol.3 No.13]