Kaafir et Jannat

Ene dimoune ki pas croire dans l'unicité d'Allah Ta'ala ou bien ki pas croire dans la prophétie de nou Nabi ‎(Sallallaahou A'laihi Wasallam)‎, li ene kaafir. Coumsa même ene kikene ki pas accepté nou Nabi ‎(Sallallaahou A'laihi Wasallam)‎ comme le dernier Nabi dans le sens ki aukene Nabi pas pou vini après li, ça aussi li ene kaafir.

Si ene dimoune fine quitte ça le monde-là dans l'état ki li ti ene kaafir, alors li pou reste dans souffrance pou tout le temps. Pena paradis, pena jannat pou li. Li pou reste éternellement dans l'enfer. Pena namaz janaza pou ene dimoune pareille ni gagne droit enterre li dans cimetière musulman ni gagne droit dimane pardon pou li après so la mort.

Tanque ki li encore vivant, nou gagne droit dimane doah avec Allah Ta'ala ki li donne li hidaayat (guidance) et montré li chemin droite. Mais ene fois ki li fine mort comme ene kaafir, pena droit dimane pardon pou li quand même li capave ou zenfant, ou papa ou bien ou mama aussi.

[Extrait de Al Jamiat Vol.3 No.14]