Salafi ? ? ?

Salafi li dérivé de Salaf ki signifié banne personnages pieux d'auparavant couma banne Sahaba-e-Kiraam, banne Tabeines et banne Taba-tabeines. Dans ça sens-là tous banne ki suive chemin de ça banne personnages pieux-là zotte banne Salafi. Et dans ça sens-là, être Salafi signifié être lors hidaayat et lors le droit chemin.

Banne Imam couma Imam Abou Hanifah (R), Imam Malik (R), Imam Shafi (R) et Imam Ahmad Bin Hambal (R) fine suive banne Sahaba-e-Kiraam et banne Tabeines. Dans ça sens-là, zotte aussi zotte banne Salafi. Au contraire zotte mérite ça titre-là pli bien ki banne ki fine vine après. Si nou bien guetté, zotte aussi zotte banne Salaf même. Donc banne musulmans ki fine suive ça banne Imam-là, zotte aussi zotte banne Salafi. Au contraire zotte même banne véritable Salafi.

Mais …

• Si Salafi veut dire oppose et critique les 4 Imams …,
• Si Salafi veut dire suive Deen dans libertinage et dans l'anarchie …,
• Si Salafi veut dire être orgueilleux, vantard et commette la fausseté …,
• Si Salafi signifié déclare Sheikh Ibnul-Arabi (R) comme kaafir …,
• Si Salafi veut dire qualifié Imam Al-Ghazali (R) de égaré …,
• Si Salafi signifié critique Sheikh Jalaaluddeen Roumi (R) …,
• Si Salafi veut dire suive banne l'opinions isolées …,
• Si Salafi veut dire donne l'autorisation vive dans haraam après avoir donne tous les trois talaaq …,
• Si Salafi veut dire suive Nasiruddeen Albani …,

Alors Salafi c'est ene dernier kitchose ki ene dimoune capave vini.

Malheureusement zordi jour nou gagne ça même qualité Salafi ki, par zotte mauvaise façon, pé gatte l'image de banne ki sincère mais pas conné couma fine tombe dans zotte la trappe innocemment.

[Extrait de Al Jamiat Vol.3 No.15]