Faire namaz avec la pause

Faudré pas pressé quand pé faire namaz. Bizin accomplir tous banne postures dans namaz posément. Quand faire roukou', faudré laisse tous banne joints dans le corps fini prend place avant lève la tête. Coumsa même quand levé depi dans roukou', bizin dresse le dos droite avant alle dans sajdah. Boukou dimoune alle dans sajdah avant zotte dresse zotte le dos droite. C'est ene erreur et ene grand manquement. Quand faire sajdah, bizin laisse tous banne joints dans le corps fini prend place avant lève la tête. Et quand lève la tête depi dans sajdah, bizin fini assize bien avant faire deuxième sajdah. Faire namaz presse-pressé et vite-vite, li cause ene qualité manquement dans namaz couma dire pas fine faire même namaz.

[Extrait de Al Jamiat Vol.3 No.15]