Explication lors la pratique bouge-bouge l'index dans Tashah-hud

"عن عبد الله بن الزبير ان النبى صلى الله عليه وسلم كان يشير باصبعه اذا دعا ولا يحركها"(النسائى/ ابو داؤد)

Traduction:

(Hazrat) Abdullah Bin Az-Zubeir (‎(Radiyallahou anhou‎)‎) rapporté ki Nabi ‎(Sallallaahou A'laihi Wasallam)‎ ti pé faire signe avec so le doigt quand li ti pé faire doah et li pas ti pé bouge li." (Nisaa-ï /Abou Dawoud)

Position hadice:

Imam Nisaa-ï pas fine faire aukene remarque lors ça hadice-là. Donc ça signifié ki li ene hadice correcte d'après li.

Explication:

Lève le doigt signifié lève l'index et doah signifié lire tashahhud. Ça hadice-là montré ki Rassouloullah ‎(Sallallaahou A'laihi Wasallam)‎ pas ti ena l'habitude bouge so l'index quand li ti pé faire signe avec ça au moment ki li ti pé lire tashahhud. Mais nou ena ene l'autre hadice ki trouve dans Nisaa-ï même selon lequel Hazrat Wa-il Bin Hujr ‎(Radiyallahou anhou‎)‎ dire ki li fine trouve Nabi ‎(Sallallaahou A'laihi Wasallam)‎ pé bouge so le doigt. Li paraite ki ça lève le doigt-là même ki Hazrat Wa-il Bin Hujr ‎(Radiyallahou anhou‎)‎ fine interprète ça par bougé. Couma ça aussi li possible ki li fine bouge li necque ene deux coute. Li pas fine bouge li continuellement couma Hazrat Abdullah Bin Az-Zubeir ‎(Radiyallahou anhou‎)‎ fine faire ressortir.

Ceki Hazrat Abdullah Bin Az-Zubeir ‎(Radiyallahou anhou‎)‎ fine rapporté, li pli mérite être considéré parceki li pé relate nou l'habitude ki Nabi ‎(Sallallaahou A'laihi Wasallam)‎ ti ena et ceki li ti pé faire tout le temps. Quant à ceki Hazrat Wa-il Bin Hujr ‎(Radiyallahou anhou‎)‎ pé raconté, c'est necque ceki li fine trouve Rassouloullah ‎(Sallallaahou A'laihi Wasallam)‎ faire à ene certaine l'occasion. Normalement ene kitchose ki Rassouloullah ‎(Sallallaahou A'laihi Wasallam)‎ fine pratiqué tout le temps, pou ena priorité et préférence lors ene pratique ki li fine capave faire li ene deux coute pou certaine raison. Dans commentaire hadice Hazrat Wa-il Bin Hujr ‎(Radiyallahou anhou‎)‎, Allaamah Bin Hazm (R) dire dans so Al-Mouhalla:-

"ففيه تحريك السبابة عند الرفع وبه اخذ مالك والجمهور على ان المراد بالتحريك ههنا هو الرفع لا غير"

" Ena mention de bouge l'index dans ça hadice-là au moment lève (le doigt). Et c'est ça même ki Imam Malik fine adopté. Mais d'après جمهور (la majorité), ici bougé li signifié pas l'autre ki levé."

Mullah Ali Al-Qari dire dans so Al-Mirqaat:

"ويمكن ان يكون معنى "يحركها" يرفعها اذ لا يمكن رفعها بدون تحريكها"

"Li possible ki يحركها (li ti pé bouge li) signifié يرفعها (li ti pé lève li) parceki li pas possible lève li sans bouge li."

Donc d'après la majorité banne 'Oulama, c'est le mouvement lève le doigt ki fine interprété par bougé dans certaine hadice. Alors la pratique pli correcte et pli proche avec sounnah, c'est faire signe avec l'index sans bouge-bouge li.

[Extrait de Al Jamiat Vol.4 No.3]