Prend pilule pou pas gagne haiz

Question:

Eski li permette pou ene madame prend pilule pou li pas gagne so haiz (période) dans le mois de ramadhaan ou bien dans hajj?

Réponse:

Li pli bon si ene madame pas prend pilule ou n'importe ki kitchose pou contrôle so haiz pendant ki li pé garde roza ou bien ki li dans hajj. Li meilleur ki li laisse li suive so cours normal et li remplace so banne roza apres. C'est dans ça façon-là même ki banne madames dans l'époque Nabi ‎(Sallallaahou A'laihi Wasallam)‎ ti pé pratique zotte roza et zotte hajj.

Mais zordi jour nou conné ki nou ena ene problème concernant hajj. C'est-à-dire nou pas libre pou rentré ou bien pou sorti depi dans Makkah quand nou oulé. Ça li pas dépanne lors nou. Ça li décidé par ene l'autre instance. Acoze ça si ene madame oulé prend li pou li pas gagne banne inconvéniences, alors li permette. En ceki concerne roza aussi nou ena ene problème ki après ramadhaan, boucou madames pena la volonté remplace zotte roza ki zotte fine manqué acoze haiz. Alors acoze ça raison-là aussi, zotte capave prend pilules. Vaut mieux faire ene kitchose ki pas faisable ki commette ceki bien blâmable.

[Extrait de Al Jamiat Vol.4 No.4]